Jheimwel Rain
Tuluyan nang bumaba sa kinaroroonan namin ang limang helicopter.
Malakas na hangin ang tumatama sa amin ngayon. Maging ang mga damo at mga dahon sa paligid ay nagliliparan. Sumasayaw ang mga matataas na punong nakapalibot sa amin.
Nahawakan ko ng mahigpit ang suot kong mahabang saya upang hindi ito tumaas ngunit ang mahaba kong buhok ay sumasabay na rin sa paglipad kaya naman nahahawi nito ang pagkakatabing nito sa mukha ko.
Napansin ko ang pagtutok ng paningin ni Darren sa akin hanggang sa mapatitig na siya at parang nawawala na sa sarili niya. Nababasa ko ang paghanga sa mga mata niya ngunit hindi ko alam kung para saan iyon.
Napansin ko ang pagtabig ni kuya Daemon sa balikat niya kasabay nang malakas nitong pagtighim na tila kinukuha ang atensiyon niya.
Mukhang na
