Jheimwel Rain
Muli kaming nakabalik sa barong-barong namin ni tatay. Nagkalat at nakabantay sa buong palibot ng bahay namin ang lahat ng tao ng magkakapatid na mga Delavega.
Ang iba ay napansin kong umalis sakay ng tatlong helicopter. Samantalang ang magkakapatid ay nasa labas at nag-uusap-usap kasama si tatay at ilan pa sa mga tao nila.
Nagkasya na lang ako sa pagtanaw sa kanila mula dito sa bintana sa itaas ng bahay namin. Hindi ko alam kung ano pa ang pinag-uusapan nila. Gusto ko mang maki-usisa sa kanila ngunit sabi ni tatay ay dito na lang ako sa loob ng bahay.
Isang oras ang lumipas nang muling bumalik ang mga helicopter na umalis kani-kanina lang. Napakunot ang noo ko nang mapansin ko ang napakalapad na mga box na nakabitay sa isang helicopter.
Lumapag ang mga ito sa labas ng
