HINDI alam ni Beast kung dapat ba siyang matuwa o hindi sa naisipan ng kaniyang kaibigan. Hindi naman niya maipagkakaila ang kagustuhan niyang makasamang muli si Bella pero hindi niya naisip na sa ganoong paraan pa pala muli sila maaaring magkadaupang palad. Hindi rin naman sikreto sa mga kasamahan niya ang pagkahumaling niya sa dalaga dahil matapos ang gabi nang huli nilang pagkikita ay ito ang naging bukambibig niya nang mag-inuman na naman sila. At higit sa lahat ng mga miyembro ay kay Kaizer siya nakapagkwento ng maraming detalye dahil ito nga ang pinakamalapit sa kaniya.
Seryoso lamang na nakatingin si Beast sa hawak niyang cellphone habang pinapanood muli ang video na nandoon. Iyon din ang video na ipinanood sa kanila ni Kaizer kanina sa meeting. Kasalukuyan na sila ngayong nasa opi
