SERYOSO lamang si Bella habang naglalakad sila papunta sa Lounge samantalang ang kaniyang pinsan naman ay kabaligtaran niya. Hindi maipagkakaila ang excitement sa mga ngiti pa lamang ni Mara at kinang ng mga mata nito. Kulang na nga lang ay magpalundag-lundag pa ito sa tuwa habang naglalakad sila. Nang malapit na sila sa mimong lounge ng resort ay halos tumahip naman ang dibdib ni Bella sa sobrang kaba. Kung ano mang pagkainis ang naramdaman niya simula pa nang umagang iyon dahil sa mga nangyayari ay parang nawala na lamang nang parang bula. Papasok na sila nang isang staff ng resort ang lumapit sa kanila.
"Ms. Mara and Ms. Bella Fortes po?" magalang na tanong nito at nakangiti pa sa kanila.
Sinuklian naman ito ng ngiti ng dalawa at halos magkasabay pang sumagot sa tanong nito. "Yes po.
