TAHIMIK lamang si Bella at Beast habang naglalakad papunta sa kung saan. Gusto mang magtanong ni Bella ay mas pinili na lamang niyang hindi muna magsalita. Maya't maya rin ang pagtanaw niya sa magkahugpong na kamay nila ni Beast na mukhang ayaw na nitong pakawalan. Habang ngiting-ngiti ang binata, si Bella naman ay seryosong-seryoso at pinipigilan lamang ang tuluyang mapabusangot na naman. She just decided to try not to ruin her mood because of the guy or be affected by him.
Hindi nagtagal ay lumabas sila sa isang bahagi ng resort kung saan agad na pumailanlang ang tugtog ng musika mula sa banda nila Beast. Sa hindi kalayuan ay matatanaw ang isang makeshift stage at ilang mga lamesa sa may tabing-dagat. May iilan ding naka-set-up sa mismong tubig kung saan siya iginiya ng binata para mak
