TAHIMIK lamang sa sasakyan si Bella habang nasa byahe. Ganoon din naman si Beast na habang nagmamaneho ay tila ba may hinahanap sa daan dahil sa pagmamasid doon na siya namang napansin ni Bella. Nang hindi na makatiis ang dalaga ay nagtanong na siya sa binata.
"Saan ba tayo pupunta? Saka bakit parang kanina ka pa may hinahanap?" ani Bella na nagsimula na ring tumingin-tingin sa paligid.
"I'm looking for homeless people on the streets na pwede nating pagbigyan niyang mga pagkain. Ipinaayos ko na rin ang pagkaka-pack ng mga iyan para naman marami ang makatikim ng dinner kanina. Meron din akong ipinagawa para iuwi mo sa inyo. Mukhang nagustuhan mo ang pagkain doon, eh. Iuwi mo na rin kay Tita San..." sagot naman ni Beast na nakatingin lamang sa daan.
Natigilan naman sandali si Bella at
