NAPABALIKWAS ng bangon si Bella dahil sa pagmulat ng kaniyang mata ay ang payapang mukha ni Beast ang bumungad sa kaniya habang natutulog. Nahulog pa siya sa sofa dahil sa gulat. Mabuti na lamang ay hindi ganoon kasama ang kaniyang pagbagsak sa carpeted floor ng sala kaya naman hindi gaanong masakit ang ininda niya sa kaniyang katawan. Napatingin siya sa wall clock na naroon para i-check ang oras. Alas kwatro pa lamang ng madaling araw at nang lingunin niya ang bintana para tingnan ang kalangitan ay nakompirma niyang madaling araw pa nga lang dahil madilim na sa labas.
Gusto mang bumangon ni Bella ay bahagya pa siyang nanghihina at inaantok. Bigla ring sumakit ang ulo niya dahil naalimpungatan siya. Nakapikit niyang isinubsob ang mukha sa sofa habang nakaupo sa sahig. Sa pagkakaalala niy
