PASADO alas dos na nang matapos ang bonding ng magpinsan habang patuloy pa ring nangungulit si Beast kay Bella. Pero kahit na inis na inis na ang dalaga sa binata ay wala na siyang nagawa kundi pakisamahan ito. Ayaw din niyang masira nang tuluyan ang mood niya dahil kababati lang nila ni Mara at kahit papaano ay nakatulong din naman si Beast para magkaayos sila. Kasalukuyan na silang nasa tapat ng building ni Mara dahil may huling klase pa raw ito nang alas tres ng hapon hanggang alas sais ng gabi. Ayaw man ng magpinsan na maputol ang kanilang kasiyahan ay hindi naman nito pwedeng balewalain ang klase dahil mahalaga rin ang pag-aaral nito.
"Grabe, ang bilis ng oras! Bitin na bitin naman ang bonding natin. Nakakainis!" nakabusangot na sabi ni Bella.
"Oo nga, eh. Hindi natin napansin ang
