Bumaba na ako ng building pero wala pa si Winston. Hindi ko naman siya matatawagan dahil nasa akin ang cellphone niya. Maghihintay na lang muna ako saglit sa labas malapit sa entrance dahil baka naman dumating na rin naman siya.
Habang nasa elevator ay ramdam ko ang mga tingin sa akin at bulungan ng mga tao. Alam ko naman na hindi agad huhupa ang tungkol sa amin ni Winston. Pero lilipas din iyon kaya hahayaan ko na lang.
Pero paglabas ko nang elevator ay biglang humila sa akin at nakita ko si Shirly. Hinila niya ako sa dulo ng lounge area kung saan malayo sa karamihan.
"Gaga ka. Ang dami mong drama for todays video. Kaninang umaga sinugod ka lang ng bruhang iyon tapos nagulat ang buong building sa post ni CEO." Hinampas ako nito sa braso na tila kinikilig. "Gusto ko ngang tumili, grabe
