GEORGE
Hapon na pero hindi pa si mama umuuwi kaya mag-isa lang ako sa bahay. Ang nag-iisang kumain ng lunch.
Nakatambay lang ako sa sala habang nanonood ng TV. Nakailang pag-iinat at paghihikab na ako habang nakaupo sa sofa. Medyo naiinip na nga ako dahil mag-isa lang ako sa bahay at walang ginagawa. Bukas papasok na ako sa trabaho ko. Dapat pala pumasok na lang ako ngayon kaysa nakatambay ako dito sa bahay. Hindi na ako sanay na walang ginagawa. Okay na rin naman ang pakiramdam ko kaya hindi ko na kailangan pang umabsent.
Mas mabuting nasa opisina ako at hindi ko namamalayan ang oras habang nagtatrabaho ako kaysa nandito ako sa bahay na pakiramdam ko rinig ko ang bawat patak ng segundo.
Noong nag-aaral pa ako, masaya naman ang bahay namin. Buo pa kasi kami noon. Nasa bansa pa si Gra
