Saturday na ngayon, pero gaya ng dati ay may pasok pa rin. Hindi ko lang alam kung may kailangan ang boss ko sa skin bukas. Noong nakaraan kasi ay sinasadyang hindi ko sagutin ang mga tawag niya dahil prioritize ko si mama. Alam kong kailangan ako ng ina ko kaya isinantabi ko ang trabaho ko. Alam ko naman na nasasaktan pa rin ang aking ina. Hindi man siya gaya ng dati na nadadatnan kong maga ang mga mata pero alam kong hindi pa siya lubos na nakakalimot, more than twenty seven years silang nagsama ni Papa kaya hindi ganoon kadaling kalimutan ang lahat.
Hindi ko lang alam kung ano ang magiging reaksyon ng ina ko kung maaga niyang nalamang may anak si papa sa iba. Gaya ba nang naging reaksyon niya ngayon o magiging martyr pa rin siya para sa amin? Alam ko naman na iniisip ni mama na matanda
