GEORGE
Lumipas ang mga araw na gaya ng dati ay abala ako sa trabaho ko habang si mama naman ay nag-aasikaso na ng mga papeles niya para makaalis na siya patungong Canada. Sa pagkakaalam ko ay nag-apply na siya para sa visa niya. Naghihintay na lamang siya para sa approval niya pero siguro ay aabutin pa iyon ng isang buwan o mahigit pa kaya hindi rin siya makakaalis agad-agad gaya ng plano niya.
Si papa naman ay hindi na talaga nagpapakita sa amin. Wala na akong balita sa kaniya, at wala na akong balak na makibalita kahit alam kong sa kapatid ko siya tumatawag.
Kinuha ko na ang baon ko para magtungo sa pantry nang biglang may humawak sa kamay ko kaya napalingon ako sa boss ko. Agad ako nitong hinila papunta sa opisina niya.
"Let's eat together," malaki ang ngiting saad nito at napatingi
