George
Napasunod ako ng tingin sa boss ko nang humakbang siya patungo sa elevator. Hindi ko alam kung saan siya pupunta. Pero ibinalik ko na lang ang atensyon ko sa harap ng computer. Marami pa akong trabahong kailangang tapusin kaya bahala na siya kung saan siya pupunta, babalik din naman daw siya kaya siguro ay saglit lang siya sa labas.
Napahikab ako at kinuha ang mint inhaler na nasa table ko at suminghot. Mas lalong bumigat ang pakiramdam ko, parang gusto nang bumagsak ng katawan ko ngunit pinipilit ko pa ring gawin ang trabaho ko.
Siguro dahil sa hangover ito. Hangover sa alak at hangover sa nangyari kagabi. In-stretch ko ang magkabilang balikat ko at marahang pinukpok ng kamao ko. Pinikit-pikit ko ang mga mata ko bago muling tumutok ang atensyon ko sa Excel na ginagawa ko.
Nang
