"George, may problema ba?" ulit na tanong sa akin ni Mama habang kumakain kaming dalawa ng agahan.
"Wala naman po," sagot ko sa kaniya na hindi tumitingin sa kaniya at patuloy na kumakain.
"Pero bakit ikaw lang ang pumarito? Bakit hindi mo kasama ang asawa mo?" tanong nito kaya napahinto ako at napatingin sa kaniya.
"Busy po kasi siya."
"Pero maaga pa naman. Sinama mo sana para dito na rin siya mag-almusal."
"May breakfast meeting po siya," pagsisinungaling ko kay Mama para hindi na siya magpilit pa.
Nandito nga ako dahil ayaw ko makasabay sa agahan si Winston kaya bakit ko siya isasama. Mukha namang madami siyang niluto kaya makakakain siya kahit hindi ko na siya isama pa.
Nang matapos akong mag-almusal ay nagpaalam na rin ako kay mama. May pasok pa ako sa opisina kaya kailangan ko
