Maaga akong gumising dahil Monday at may pasok na kami sa opisina. Paggising ko ay wala na si Winston sa tabi ko kaya agad na bumaba ako sa kama at ginawa ang morning routine ko bago ako bumaba para magtungo sa kusina.
Pagdating ko ay naabutan ko na siyang naghahanda ng table. Tapos na itong magluto ng agahan namin.
“Good morning, asawa ko.” Lumapit ito sa akin at mabilis na pinatakan ng halik ang labi ko.
“Morning,” simpleng sagot ko sa kaniya at umupo na sa pwesto ko.
Ramdam kong nakasunod ang tingin niya sa akin.
“Galit ka ba?” tila kinakabahang tanong nito.
Nag-angat ako ng tingin at tumingin sa kaniya na nakatayo pa rin.
“May dapat ba akong ikagalit?”
Mabilis na umupo ito.
“Wife, I am sorry about yesterday. Hindi agad ako nakabalik. Nagkaroon kasi ng emergency,” paliwanag nit
