"Hintayin mo ang limang buwan, Mama. At pagkatapos noon ay puwede mo nang makuha ang aking asawa. Pero ngayon ay huwag ka munang magsaya," tuloy-tuloy na litanya ko sa aking Ina. Pero sa bawat salita ko ay naroon ang pagtatampo sa aking Ina.
Nakita kong kuyom ang mga kamao ni Mama. Pero hindi ako natakot. Ang kailangan kong gawin ay hanapin si Papa. Para alamin kung totoo nga ang sinabi ni Mama. Hindi ako mapapalagay kung hindi ko malalaman ang lahat.
"Ito ang tandaan mo July. Hindi ka aabutin ng limang buwan dito sa bahay ni Seth. Lahat gagawin ko upang mapasaakin siya. Dahil noon pa man ay akin na siya!" mariing sabi ni Mama sa akin. Pagkatapos ay nagmamadali itong umalis sa aking harapan. Binangga pa nga ito ang aking balikat, bago pumasok sa kabahayan.
Ako naman ay napahilot sa ak
