Masamang tingin ang binigay ko kay Seth. Gusto ko na itong kasalin. Para kasing nangangasar lang ang lalaki. Ang nakakainis pa'y tila tuwang-tuwa ito, dahil napipikon ako sa kanya.
"Mr. Lawson, baka puwedeng umayos ka naman. Para makuhan kita ng maayos ng picture!" asar na sabi ko. Hindi na rin maipinta ang pagmumukha ko habang nakatingin sa lalaki.
"Ano pa bang gusto mo? Maayos na naman ang aking mukha," sagot nitong umiiling pa. Ngunit ang kamay nito ay biglang humawak sa aking beywang, sabay pisil doon.
Kaya naman agad ko itong sinaway at maliksi ko ring tinapik ang kamay nitong maharot. Ngunit ngumisi lamang siya sa akin.
"Normal lang dapat, Mr Lawson. Huwag mong palakihin ang mga mata mo. Huwag ka rin pipikit. At huwag ka ring maharot! Dahil nakakainis ka na, eh!" palatak ko sa l
