الجزء الخامس

1417 Words

ما صدق شريف ان أصحابه زنوا عليه عشان يروح يبات مع حسام و رد عليهم بشوية راحة بعد كل القلق اللي حس بيه و عاشه و قالهم : ماشي هقفل الانوار و محبس الغاز و الماية و ننزل امين : مش مهم يا شريف خلي عم ناجي يطلع يعمل كل الحاجات دي و خلينا ننزل من هنا يا عم شريف : طب اجيب غيارين معايا ده انا قاعد عندك يومين يعني اكيد مش هفضل قاعد زي ما انا حسام بيسحب شريف من أيده و رايح ناحية باب الشقة عشان ينزلوا : ما انت مش رايح تقعد عند واحد عريان يا خويا امين كان وراهم و كأنه كان عايز يشتمهم بسبب بطئهم ده كان عايز يجري أو يتبخر من المكان الشقة كانت بالنسباله فيلم رعب مش قادر يقعد فيها دقيقة كمان نزلوا التلاتة و هما نازلين قابلوا عم ناجي شريف : اديني سايبلك العمارة بالشارع كله يومين بحاالهم يا عم أبسط بقى عم ناجي حاسس ان فيه حاجة مش طبيعية بتحصل في بيت شريف أو مع شريف ذات نفسه خصوصا بعد ما لاقى بسام نازل و ماشي بالطريقة دي و الصندوق الغريب اللي شافه في ايديه و طبعا بعد ما خبط عليهم ساعة و محدش فيهم سمع حاجة عم ناجي بتأثير مصطنع : ازاي بس طب و مين هيعمل صداع للعمارة بسكانها طب هنقدم شكوة ب الازعاج في مين طب مين اللي هيخرب بيتي و هيطلقني من مراتي و ينيمني في الشارع مش هينفع يا استاذ شريف ضحكوا على أداء عم ناجي اللي كان باين أنه بيهزر معاهم حسام : ياااه يا عم ناجي ده انت طلعت شايل و معبي و احنا اللي كنا فاكرينك اب من اباهتنا شريف : اهو يا عم ده اللي انت بتقولي يطلع يقفلك الشقة و مش عارف ايه ده لو طلعها هيولعلي فيها امين : لا عيب عليك يا شريف انت متهونش على عم ناجي و بعدين هو عارف احنا مالناش متوا غير الشقة دي عم ناجي : خلاص صعبتوا عليا مش هعمل حاجة .. عايزني اقفلك الشقة ازاي انت **لت تقفل باب شقتك كمان شريف بضحك : لا كان عندي شوية نشاط قفلت بيهم باب الشقة متقلقش بس عايزك تطلع تقفلي المحابس و مفاتيح الكهربا و كده ده لو مش هنتعب سعادتك معانا يا ناجي بيه عم ناجي بتنهيدة : يالا اهو كله ب ثوابه ماشي شريف : انت شايف كده يعني .. ماشي يا عم ناجي ده هما يومين بس و راجعلك مش مهاجر يعني عم ناجي ب ابتسامة طيبة : ترجع ب السلامة يارب العمارة هيبقى دمها تقيل من غيرك انت و الأساتذة و الله هما يومين بقى متكترش امين متفاجئ : عم ناجي طلع برج الجوزاء ولا ايه ده ايه القالبة دي حسام بهزار : قلب الأم بقى هما كانوا واخدين على هزار بعض و محدش فيهم كان بيتدايق من التاني و كانوا بيحبوا يتكلموا سوا خصوصا أن عم ناجي بيعاملهم ب حنية و خوف كأنه ابوهم مثلا .. سلموا عليه و وصوه على الشقة في اليومين دول و أن لو فيه اي حاجة حصلت يتصل بيهم و سابوه و طالعين من العمارة عم ناجي بقلق : استاذ شريف شريف : ايه يا عم ناجي لاحقت اوحشك عن ناجي : لا انا عايز اتطمن عليك و على الأساتذة بس .. انتوا كويسين ؟! مفيش مشكلة صح ؟ امين ب استغراب : احنا تمام يا عم ناجي بس ايه اللي خلاك تقول كده !! عم ناجي : لا يا بني ولا حاجة انا بس مستغرب أن استاذ شريف هيسيب بيته يومين بحالهم و دي اول مرة يعملها طالما مش مسافرين تصيفوا ولا حاجة ف حبيت اتطمن عليكم بس انتوا زي ولادي برضه شريف حس ان عم ناجي حاسس ب حاجة بس اكيد مش هيسألوا ولا هيفتح مجال بينهم ل كلام من النوع ده ف اكتفى أنه يقوله : متقلقش يا راجل يا بركة احنا زي الفل انا بس بيتي اتخرب مصاريف عليهم بحجة أنهم ضيوف في بيتي و بتاع و كده كتير الصراحة ف قولت اخليهم يصرفوا عليا شوية بقى ولا انت ايه رأيك عم ناجي حاسس ان شريف بيحاول يبين ع** اللي جواه ده يعتبر هو اللي مربيه بس جراه في الكلام بهزار و قاله : لا طالما كده يبقى عندك حق ما احنا مش فتحنها سبيل هنا حسام : بص الراجل طب تصدق طلاقك هيبقى على أيدي انا بس لما نرجعلك بس ضحكوا و سلموا عليه و مشوا .. نرجع بقى ل بسام اللي نزل من عندهم و هو غضبان و جواه كره هو متفاجئ الكره ده اتزرع في قلبه ناحية أصحاب عمره ازاي و ليه لكن زي ما يكون بسام اتبدل و مبقاش هو و كأن روحه خرجت منه و بقى بيتعامل ب جسده ب بروح حد تاني الحقد مالي قلبه بطريقة مش مفهومة بسام و هو سايق عربيته و سرحان و بيقول في عقله : انا هعرف ازاي اخليكم ترجعولي تاني زي الكلاب والله لا ابوظ حياة كل واحد فيكم و مش هخلي حد فيكم يشوف فرحة بعينيه بعد كده عشان يقاطع صوت عقل بسام حاجة خبطها جامد بس الغريبة أنه متخضش ولا حد وقف يشوف ايه اللي خبطه ده بني ادم ولا حيوان ولا ايه بالظبط .. عشان يبعد شوية كده و يبص في مراية العربية يلاقي كلب سايح في دمه في نص الشارع اللي تقريبا مكنش حد ماشي فيه غيره .. ركز في المراية و صورة الكلب بتبعد كل ما بيبعد بالعربية و مرة واحدة قال بصوت مسموع : في ستين داهية و هبعتلك تلاتة زيك قريب كمان نرجع ل شريف و امين و حسام شريف سايق العربية و حسام جنبه و امين في الكنبة اللي ورا امين : انا هتجن يا جماعة انا نفسي حد يفسر لي ايه اللي حصلنا النهارده ده انا حاسس ان احنا معمول فينا مقلب مثلا .. احنا لو حكينا ل حد اللي حصل ده هيقول علينا متخلفين محدش هيصدقنا حسام : انا مش شاغلني اي حاجة دلوقتي غير أن لو اللي حصلنا النهارده ده كان بجد .. لو فعلا اللعبة دي منتهتش بمجرد ما شريف قفلها و انها مش هتنتهي غير لما قوة اللعبة تأذن ب ده زي ما مكتوب احنا هنعمل ايه ؟! امين : بسام مش مطمني حاسس أنه فيه حاجة غلط انا مش حاسس ان ده بسام اصلا انا مش قلقان من الصندوق الغريب ده قد ما انا قلقان منه دلوقتي شوفت نظراته و طريقة كلامه من اول ما بدأنا .. طب شوف*نا احنا كنا بنعمل كل حاجة بيقول عليها من غير مناقشة ازاي .. انا مش فاهم اي حاجة و مش هكدب و اقول اني مش خايف انا مرعوب و متأكد أن انتوا كمان مرعوبين زيي بالظبط حسام : ايه يا شريف مبتقولش حاجة ليه ؟! شريف بيحصل معاه حاجة غريبة سايق و سرحان قدامه و شايف مشهد بسام و هو بيخبط الكلب و سامع صوته و هو بيستحلفلهم و مش فاهم هو شايف و سامع ده ازاي .. مش سامع حد من صحابه و مش حاسس بالدنيا حسام مسك دراع شريف و بيهزه : انت يا بني !! شريف ب خضة و هو بيفرمل العربية : اللعبة منتهتش احنا اللي هننتهي احنا في مصيبة امين و حسام في نفس واحد : ليه بتقول كده ؟! شريف باصصلهم ب خوف و ساكت مش قادر ينطق من اللي شافه و سمعه هو متأكد أن دي مش تهيؤات امين : يا شريف متسيبش اعصابنا اكتر ما هي ابوس ايدك رد و قولنا فيه ايه شريف : بسام مش هيسبنا حسام بنفاذ صبر : يعني ايه مش هيسبنا و اللي اللي خلاك تقول كده فجأة ؟! شريف حكالهم اللي شافه .. بيبصوا ل بعض في لحظة سكوت فيها كمية خوف و رعب مش ممكن تتوصف امين : لا لا انت اكيد اللي حصل النهارده ده مأثر عليك و مأثر علينا احنا كمان هو بس وضع بسام كان مريب شويتين و عشان كده انت اتهيألك كل اللي بتقوله ده يا شريف استحاله اللي انت بتحكيه ده انا مش مقتنع امين كان بيقول كل كلمة و بيكدب كلام شريف و هو مقتنع بالع** تماما بس خايف يسيب نفسه ل إحساسه ده هو عايز يخرج و يخرج أصحابه من اللي حصل ب اي طريقة حسام بيبلع ريقه ب توتر و هو باصص ل شريف بخوف : شريف انت بيتهيألك صح ؟! شريف : اقسم بالله اللي انا حكيته دلوقتي ده شوفته و سمعته زي ما انا شايفك و سمعك انت و امين كده بالظبط امين و حسام بيبصوا ل بعض و هما بقوا متأكدين أنهم دخلوا في مصيبة سودا امين : طب و العمل شريف : ممكن منتكلمش في اي حاجة دلوقتي انا اعصابي كلها بايظة .. خلونا نروح نقعد في مكان فيه ناس و دوشة عايز اي حاجة تلهيني عن الجو اللي احنا فيه ده حسام : عندك حق احنا دلوقتي خوفنا مسيطر علينا خلينا نروح نقعد على القهوة شوية امين : يالا بينا بسام في بيت جده و تحديدا في الاوضة المشؤومة اللي لاقى فيها الصندوق ..

Free reading for new users

Scan code to download app

App Store Google Play

Facebookexpand_more