Chapter Sixty-two: James Adler
“Ito na ba ‘yung lugar?” tanong ni Raymond ng huminto sila sa isang madilim na kalsada. Tahimik ang lugar at iilan lang ang posting may ilaw. Mukhang delikado ang lugar sa kanilang paningin.
“Yup! Ito nga ang lugar na nakalagay sa GPS,” sagot ni Catherine. Mabuti na lamang at naisipan ni Anton na isama ngayon si Catherine dahil kung hindi ay talagang maliligaw sila. Halos pinakadulong bahagi na ito ng bayan ng Beaucrine.
“Ang layo na natin sa kabihasnan, Anton!” sabi pa ni Raymond. Huminga ng malalim ang lider nila bago nito tinanggal ang seatbelt na suot.
“Tara na, he’s here somewhere,” sabi nito at lumabas na ng kotse. Hindi na sila pa tumutol pa at sumunod na din sa kanilang lider. Nilock pa ni Catherine ang kotse, naglagay pa siya
