Chapter Sixty-three: Their story Part I
YEAR 1996
SITIO ALPAS, TOWN OF BEAUCRINE, KINGDOM OF AZALEA
“Jocelyn!” sigaw niya sa dalaga na naglalakad papasok ng eskwelahan. Lumingon sa kanya ang dalaga at ngumiti. Kakaiba ang pakiramdam na hatid sa kanya ng mga ngiting iyon. Tila ba gumagaan ang pakiramdam niya kapag nakikita niya ang mga ngiti sa labi ni Jocelyn. Para bang nakakalimutan niya ang kanyang mga problema.
“Ikaw pala, James,” sabi ni Jocelyn at huminto ito sa paglalakad. Mabilis at malalaki ang hakbang na ginawa niya para maabutan ang dalaga. Sa paningin niya ay sobrang ganda ng dalaga, kahit pa nakasuot lamang ito ng simpleng uniporme nila. Isang puting blouse, maroon na palda at nakatsinelas. Nasa balikat nito ang isang shoulderbag na gawa sa mga tetra pack
