Chapter Twenty-one: Pagkawala
“Aman!” sigaw ng kanyang ina na nasa bukid. Huminto siya sa pagtakbo at tinanaw ang kanyang ina.
“Saan ka na naman pupunta? Papalubog na ang araw!” sigaw nito sa kanya. Ngumiti siya at sumigaw pabalik.
“Sa gubat lang ako saglit! May kukunin lang ako!” sigaw niya at muling tumakbo papasok ng gubat.
“Aman!” sigaw ng kanyang ina ngunit hindi na niya ito pinansin pa. Tumakbo siya ng tumakbo hanggang sa nakarating siya sa gitnang bahagi ng kagubatan ng bayan ng Tempest- ang kapitolyo ng agrikultura.
Hingal-kabayo siyang huminto sa isang malaking puno at naupo doon. Papalubog na ang araw, nagbigay ng kulay kahel na liwanag sa bahaging iyon ng gubat. Pinagmasdan niya ang paligid at namangha sa ganda na hatid ng paligid. Huminga siya ng malalim at
