Chapter Thirty-six: Tunay na nagmamay-ari
Mt. Yolly, Province of Tempest, Kingdom of Azalea
April 23, 1900
“Magtrabaho kayong lahat!” sigaw ng isang lalaki na may hawak na latigo at inihapas ito sa isang trabahador. Bumagsak ang isang lalaki at patuloy itong nilalatigo ng lalaki. Hindi niya maiwasang mapatingin sa kaawa-awa niyang kasama. Duguan na ang likod ng kanyang kasama at nanghihina na din.
“Anong tinitingin-tingin mo diyan?!” sigaw sa kanya ng lalaki. Agad siyang tumalikod at nagsimulang maghukay ng lupa. Dinig pa rin niya ang panaghoy ng kanyang kasamahan. Ipinikit na lang niya ang kanyang mga mata at nagpatuloy sa kanilang trabaho. Mahigpit na niyang hinawakan ang piko at buong lakas na ibinaon sa lupa. Paulit-ulit niyang ginawa iyon. Paulit-ulit na sinisira
