“Hindi ka ba makapaniwala na may pogi kang asawa kagaya ko?” pagbibiro niya sa akin pero hindi ko magawang matawa doon sa sinabi niya.
“Papaano tayo naging mag-asawa? At anong nangyari bago ako mapunta ng hospital? Ilang araw ako dito sa hospital? Bakit wala namang sugat ang likod ng ulo ko?” magkasunod kong tanong tapos ay dahan-dahan akong umupo dahil napapagod na ang aking likod kakahiga.
“Isa-isa lang naman,” pangangatwiran niya sa akin habang nakangiwi ng sandaling iyon. Tinulungan niya akong umupo at hinayaan ko siya tapos ay naging seryoso na ang kanyang mukha ng humarap siya sa akin.
“Nasangkot ka sa isang aksidente isang buwan na ang nakakalipas. Nabagok ang ulo mo at nagkaroon ka ng kaunting mga sugat sa ulo,” sagot niya sa akin. Tinitigan ko siya para malaman kung totoo an
