Eva 7
Matapos kong sundin ang pinagawa ni Max ay labis akong nakaramdam ng ginhawa sa kalooban. Naluha pa ako ng kaunti pero hindi ko iyon pinakita kay Max. Nagpatuloy kami sa taas ng himpapawid at pinagmasdan ang ganda ng islang ito. Labis akong nakaramdam ng saya matapos ang ilang taon na paghihirap dahil sa pamilya ko.
Hindi ko magawang sabihin ang lahat kay Max dahil masyadong personal ang mga bagay na ito at hindi pa tamang oras para malaman niya ang tunay kong katauhan.
Ilang minute rin ang tinagal naming sa itaas hanggang sa huminto ang speedboat na humihila sa amin at naramdaman ko na lang ang paghatak sa amin pababa. Agad akong napapikit dahil sa bilis ng mga pangyayari. Naramdaman ko ang maligamgam na init ng tubig at iyon ang naging hudyat ko para malaman na nasa ibaba na k
