Chapter 35
Breana's Point of View
Tanghali na nang magising ako. Wala na si Arwin sa tabi ko ngunit maayos ang pagkakalapat ng ulo ko sa unang dala ni Arwin. Medyo pinagpapawisan na nga lang ako dahil sa kinumutan pa niya ako. Ngunit naiintindihan ko naman siya kung bakit niya ginawa iyon. Napabuntong-hininga ako. Napakahirap para sa akin ang magpigil kagabi. Gusto ko nang ipagtapat sa kanya, ipakita ang aking kahubdan, umamin sa kung anong totoo pero baka magkagulo doon. Baka hindi niya mapigil ang kanyang sarili at marinig kami ng ibang naroon. Ayaw kong mabuko sa aking sikreto na nasa paligid ang aming team mates. Saka na kapag sigurado na akong mahal niya ako. Na mamahalin niya pa rin ako kahit ano at sino pa ako. Kung minahal niya ako bilang si Brent, bilang isang lakaki, mas mam
