BIBIGYAN ka ng buhay ng mga panalo pero hindi sa lahat ng pagkakataon ay parati na lang na gano'n. Darating ang pagkatalo at hindi mo 'yon maiiwasan. Hindi ka rin makakailag dahil kung mamalasin ka nga naman ay wala pang warning ang ilan sa mga pesteng pagkatalo, 'yon ang paulit-ulit na naglalaro sa isipan ni Marco Polo ngayon.
Ngayon na sapo niya ang sariling noo dahil sa biglaang pagkirot niyon pagkatapos niyang matanggap ang isang balita. Pangit na balita.
Pumalpak siya.
Pumalpak siya kung kailan ang yabang niya pang sabihin sa kaniyang ama na kaya niyang i-closed ang isang mahalagang deal habang wala ang CEO at siya ang acting CEO ng kumpanya ng pamilya nila.
"MP."
Nag-angat siya ng tintin at napakurap pa muna bago buntonghininga na kinausap ang bagong dating. "Hindi ko maintin
