MULA sa kinauupuan ni Monaliza ay natanaw na niyang papasok sa cafeteria ng ospital na pinagsisilbihan niya si Doc Bari.
Umiinom siya ng kape sa mga sandaling 'yon pero hindi niya 'to inaalisan ng tingin. Malinaw niyang nakikita kung paano 'tong magiliw na ngumiti sa mga bumabati rito na nurses, staff ng ospital at kapwa duktor na nakakasalubong. Hindi rin nakaligtas sa mga mata niya ang nagkakatuksuhan na mga Junior Doctors, halatang may paghanga ang mga 'to sa duktor na mataas, moreno, matangos ang ilong, deep set ang mga medyo mabilog na mga mata, pasado na ngang leading man sa mga napapanood sa TV ang duktor, sa totoo lang. Kaya nga ba kahit si Nurse Ever ay kinikilig dito.
Masaya nga namang kiligin sa katulad ni Doc Bari. 'Yong ang angas tignan at ang bango. Papasa nang perpekto k
