"NAKAKALUNGKOT naman pala kung gano'n. I felt definitely sad by hearing your story, Mona."
Pagak na tumawa si Monaliza. "Huwag kang malungkot para sa 'kin, ano ka ba, tapos na 'yon," ani Monaliza sa kaniya.
Habang naglalaro sila ngayong dalawa ay nauwi 'yon sa pag-uusap nila tungkol sa mga magulang ng kalaro niyang si Mona.
"Kahit na! Nalulungkot akong isipin na habang ako ay masaya sa piling ng mga magulang ko, may mga bata na tulad mo na iniwan ng mga magulang sa ampunan na 'to. Na ni hindi na matandaan ang itsura ng mga magulang nila dahil baby pa lamang ay narito ka na," malungkot niyang saad dito. Dahil sobra talaga siyang nalulungkot sa mga kinuwento nito.
"Ayos lang, heto pa rin naman ako at buhay pa kahit wala sila at hindi ko na alam kung nasaan na," pagbibiro pa nito na hindi
