SABI nila, ang masamang araw raw ng isang tao ay napapakalma ng isang tasa ng kape. At kung masaya ka naman, kape ka, mas sasaya ka pa.
Ewan ni Raegan kung saan niya narinig o nabasa, basta bigla na lang pumasok 'yon sa isipan niya habang naiinip siyang naghihintay sa bago niyang magiging kliyente at nakatitig siya sa kape niya't nakasinding sigarilyo.
Tumaas ang sulok ng kaniyang labi, gano'n talaga siya, kung ano-ano na lang ang iniisip para maibsan ang inip na uulitin din lang niya naman—na parte na ng kaniyang trabaho. Trabaho na hindi niya akalain na talagang nakukuha niya sa isang boka.
At sa pagkakatong 'to, trabaho na ni hindi ka man lang pagpapawisan, Raegan Stan. Dapat mong batiin ang sarili mo!
Idagdag pang doble ang kaniyang magiging sahod para sa isang maituturing niya
