A while ago...
HINDI sana magiging problema ni Marco Polo ang pag-aalaga sa anak niya kung okay sila ng daddy niya. Okay lang sila nito sa mata ng lahat, okay lang sila nito dahil 'yon ang gusto nitong ipalabas sa mga tao pero siya at ang kaniyang ina ang mas nakakaalam na hindi.
Ah, s'yempre, ang buong angkan ng Sandoval ay alam kung ano ang tunay na estado nilang mag-ama. Estadong kulang na lang ay masabing hindi siya nito totoong anak.
Naiinis na kinuha niya ang cellphone niya na nag-ba-vibrate na naman. Indikasyon na may tumatawag sa kaniya. Kakababa lang niya niyon dahil tumawag sa kaniya si Raegan at nag-report na magkikita ito at si Monaliza.
Hindi siya makapaniwala na nakuha ng doktora ang service ni Raegan Stan. Kung sabagay, sa huli na rin nanggaling na ginawa nito ang lah
