SANDALI lang na tumayo sa harap ng gusaling 'yon kung nasaan ang opisina ng family lawyer ng mga Olivarez si Monaliza, dumating na kasi kaagad si Ever na maneho ang kotse niya. Talagang nakaantabay sa paglabas niya sa gusali.
"Mabuti at sandali lang ang naganap na meeting," ani 'to habang sumasakay na siya sa front seat kung saan of course, makakatabi niya 'to dahil ito ang driver niya ngayon.
Hindi naman sa hindi niya pa kayang mag-drive dahil sa mga natamong injuries sa sunog sa ospital pero mapilit si Ever na samahan siya, mapilit 'tong makapasok totally sa buhay niya. May parte sa kaniya na walang problema ro'n, kaibigan na naman niya 'to, nasasabihan ng mga problema at sikreto dahil magaan ang loob niya rito, pero 'yon nga, sa sobrang dami at iba't-ibang klase na ng tao ang nakasala
