KINURAP-KURAP ni Monaliza ang mga mata niya sa pag-aakalang may namuong luha sa mga 'yon.
Yeah, akala lang niya pala. Akala lang pala niya ay nakakaiyak pa ang mga pangyayari 'yon sa kaniyang nakaraan hanggang ngayon. Well, good news, hindi na pala.
Hindi na pala nakakaiyak na maging ang sarili niya ay napaniwala na niya sa mga kasinungalingan niya.
Mariin niyang naikuyom ang mga kamao.
Oo, hindi totoo na baby pa lamang siya ay nasa ampunan na siya. Ginamit lang niya ang mga kasinungalingan na 'yon dahil nakuha niya ang loob ni Kate. Si Kate na may mababait na magulang na mas nagpatanong sa kaniya kung bakit hindi niya maunawaan na hindi katulad sa trato rito ng mga magulang nito ang trato sa kaniya ng mga magulang niya. Samantalang pareho lang naman sila ni Kate na babae at mga negosy
