NAKAKATAKOT ang pagkakagulo ng mga duktor at nars sa pamosong ospital na 'yon kani-kanina lang. Ngunit mas nakakatakot ang itsura ni Katherine Kate Olivarez- Sandoval, wala na 'tong buhay nang dalhin sa ospital. Malinaw niyang nakita 'yon sa itsura nito at kulay gaya nang malinaw rin na nakita 'yon ni Doc Monaliza Naqui.
Siguro nga ay maaari nang sabihin na ang lahat na yata ng tagumpay na maaaring naipaulan ng Diyos ay nasalo nang lahat ni Doc Naqui. Dahil nang ilapat nito ang mga palad sa pasyente, nagkaroon 'yon ng pulso at heart beat.
Nakakagulat.
Hanggang ngayon nga ay hindi pa rin lubos na mapaniwalaan ni Alona ang nasaksihan niya. Para siyang nanood ng isang pelikula na ang goal ng bida ay mapabalik ang hininga ng isang importanteng karakter.
Oo, gano'n ka-intense ang feelin
