PARA pa rin siyang itinulos sa kinatatayuan kahit pa nga ba wala na sa view niya ang hinihintay niyang tao na bumalik na nga pagkatapos ng mahabang taon. At gaya ng inaasahan na nila ni Raegan, sa mga Olivarez ang tuloy niyon. Katunayan ay hila pa nga ang isang malaking maleta nang dumating do'n si Monaliza.
Sobrang layo na nito sa Monaliza na natatandaan niya pero ang lukso ng kaniyang dugo at puso, hindi maikakaila na kilalang-kilala 'to. Parang gusto niya tuloy umiyak habang nananatili siyang nakatanaw sa bahay ng mga Olivarez kahit wala na ro'n ang tinatanaw.
Oo, nasa loob na ng bahay si Monaliza ngunit makalipas lang ang ilang sandali ay lumabas na 'to ro'n gaya na rin ng inaasahan niya kaya nga hinayaan lang niya ang sarili na manatili ro'n.
Inaasahan na niya dahil alam niya ang
