MONALIZA Naqui...
Malungkot na napabuntonghininga na lang si Monaliza nang mahawakan na niya ang diploma niya na nagpapatunay na nakatapos na siya ng pag-aaral sa elementarya.
"O, bakit ang lungkot mo naman d'yan?" ani Kate na kadarating lang sa kuwarto na magkasama nilang tintulugan nito. "Hindi ba at dapat nga ay masaya ka na pinayagan na tayong sa school ni Marco Polo mag-enroll ng high school? Ibig sabihin lang niyon ay makikita mo na siya at makakasama, araw-araw." Her best friend happily winked at her.
Napangiti siya. Oo naman, masaya siya na pinayagan na silang sa school ng ultimate crush niyang si Marco Polo Sandoval, pero s'yempre ay mas sasaya siya sana kung bitbit na niya ang apelyido ng mga Olivarez. Kung ang nakasulat na sa mga diploma at parangal niya ay apelyido ng mga
