PAGBALIK ni Oz galing sa kwarto ay nakasandig si Fiona sa sandalan ng sofa at nakapikit. Nakpwesto ito sa gitna at may yakap na isang throw pillow doon. She looked asleep.
“Fiona?” Mahinang tanong ni Oz habang papalapit sa dalaga. Imbis na dumilat at sumagot ay bumaling ito pakaliwa at nahiga. Noong una ay hindi pa nakataas ang legs sa sofa kaya’t mukhang nahihirapan ito sa pwesto.
“Fiona—” Paglapit ni Oz at pagtawag muli ng pangalan ni Fiona ay saka nito itinaas ang paa at dumiretso ng higa. Mukhang nakatulog na nga ang dalaga dahil nang pumihit ito paharap kay Oz ay nahulog mula sa kamay ang cellphone na hawak. Iyon naman talaga ang pangunahing dahilan kung bakit sila nagpunta ng Lodge. Kailangan mag-charge ng cellphone ni Fiona. Tumalungko si Oz at pinulot ang phone na a
