DUMAAN ang ilang araw ngunit hindi nagtungo si Piper sa hacienda upang kausapin ang donya. Inaabangan pa naman ito ni Liam. Sinabihan niya ang lahat ng tauhan na abisuhan siya kung sakaling mayroong bumisita sa hacienda para kay Donya Anastasia, ngunit ilang araw na ang lumipas ay hindi nagpapakita si Piper. Sinubukan niya ring daanan ang bahay ng pamilya nito ngunit madalas na nakasara ang pintuan kaya naman malabong makita niya kung naroon ang babae o wala. Nais niya sanang bisitahin itong muli at tanungin kung maayos na ang kalagayan, dahil nang huli silang magkita ay may sakit ito, ngunit ang palagi niyang nakikita na nasa labas ng bahay ay ang ina nito. Hindi niya nais maabala ito at magkaroon ng malisya ang kaniyang gagawing pagtatanong kung sakali kaya naman minabuti niya na lamang
