***XALENE's POV***
Kahit may malakas na kutob na ako na ang bagong amo ko na si Syver Ruggiero ang sakay ng chopper, na ngayon ay nakababa na at halos tangayin na naman ako ng lakas ng hangin gawa ng umiikot na elesi, ay nagulat pa rin ako nang bumaba roon ang parang anghel na nagkatawang tao na nilalang. At kung pagbabasehan ang karangyaan ng get-up nito—the man spells money. Simple but look dashing.
At nang ngumiti siya sa banda namin ni Mang Edgar na naghihintay sa kanya’y muntik na akong bumuway. Parang bumaliktad ang sikmura ko sa nagdagsang mga paru-paro.
Katulad pa rin talaga noong unang kita ko sa kanya sa Trump Tower na sobrang apektado ako sa kaguwapohan niya. Paanong hindi, eh, para siyang diyos na bumaba sa Mt. Olympus para lang makilala ako. Charot!
“Mang Edgar, kumusta?”
