❣︎ ARIZ ❣︎ (Present time)
Kanina pa kami nakaalis sa bahay ni Nanay Soleng. Nandito kami sa bahay ko at kanina pa tahimik. Hindi ko alam kung hinahayaan lang muna nila ako o baka pati sila ay pinoproseso pa ang mga nalaman.
Napalingon ako sa tabi ko.
Ang kahon na naglalaman ng mga gamit nina Asuncion at Juanito.
"H'wag mo na munang buksan 'yan."
Nabaling naman ang atensyon ko kay Julie, dahil sa sinabi n'ya
"Tama si Julie," segunda naman ni Cynthia, "H'wag mong pagsabayin lahat. Ikalma mo muna ang isip mo."
"Oo nga pala," sabi ni Julie at natuon ang tingin namin ni Cynthia sa kan'ya, "Nakalimutan nating itanong kung may alam s'ya tungkol kay Lira."
"Nakalimutan din nating kunin ang number nila," sabi pa ni Cynthia.
"Balik na lang tayo ro'n sa Sabado," I suggested, "Kailangan
