❣︎ ARIZ ❣︎ (Present time)
Marahas akong napabangon. Kahit air-conditioned ang kwarto ko, tagaktak ang pawis ko sa mukha.
Panaginip na naman.
Kaagad akong tumingin sa orasan.
Alas dos.
Naalala ko ang huling pag-uusap namin ni Shawntell, bago s'ya umalis kanina.
"Pa'no ba malalaman kung simpleng reincarnation lang ang nangyari sa kaluluwa o sumpa na pala?" kuryuso kong naitanong.
"Hindi ko rin alam, Tita. Pinag-aaralan ko pa," sagot n'ya kaagad at sumandig sa couch, "Ang hirap maging Psychology student."
"Ba't pala 'yan ang napili ng professor n'yo na ipa-report sa inyo?" tanong ko ulit.
"Pinag-aaralan kasi namin ang hypnotherapy," kaagad n'yang sagot, "Nagagamit kasi sa psychotherapy ang hypnosis. At isa pa, kadalasan sa mga pasyente ng hypnotherapy ay 'yong mga taong dinada
