“Hindi ako babae ni Amos,” mariin kong sabi sa kanya. Nagpumiglas ako, sinubukang bawiin ang kamay kong hawak niya pero hindi ako nagtagumpay. “Bitawan mo nga ako! H-hindi ba’t sabi ko… huwag ka nang magpapakita sa akin?! Bakit nandito ka na naman ngayon sa club?!”
“So… you slept in his condo, huh? What did you do? Did you two fck?”
Masyado akong nainsulto sa sinabi niya. Hinugot ko ang lahat ng lakas ng loob ko at ginamit ang isang kamay ko para sampalin siya. Napatagilid pa ang ulo niya dahil sa malakas na pagdapo ng palad ko sa pisngi niya. Napahawak siya sa kanyang mukha bago ako lingunin. Hindi ko ininda ang masamang titig niya sa akin. Kung takot ako kanina, ngayon hindi na.
“Hindi lahat ng tao katulad mo, Damon Marquez!” sigaw ko. Mabuti na lang at walang dumadaan masyado rito. H
