Simula nang makilala ko si Amos at Cali, hindi na matanggal sa isip ko ang lalaking hindi ko naman dapat iniisip. Ewan ko ba kung bakit pati siya ay dinadagdag ko pa sa mga problema ko. Ano ngayon kung may relasyon sila ni Cali? Anong pakealam ko roon? Mas mabuti nga ‘yun, ‘di ba? May pagtutuonan na siya ng pansin! At dapat nga magpasalamat pa ako dahil totoo namang tinupad niya ang sinabi ko sa kanyang huwag na siyang magpapakita sa akin. Dapat ay masaya ako na ginawa na niya iyon. Sa wakas… wala nang naggugulo sa akin.
Pero… ewan ko ba! Hindi pa rin ako natatahimik kahit na hindi na siya nagpaparamdam.
Halata naman na may namamagitan sa lalaking iyon at kay Cali. Noong unang beses kong nakita si Cali sa club kung saan ako nagta-trabaho, iba ang pakikitungo ng lalaking iyon sa kanya. H
