[Athena's]
Alam kong kanina pa nakatitig sa akin at nakikiramdam si Rita dahil hinayaan ni Kit na ipahiram sa akin at hawakan ang phone niya para makakuha ako ng copy ng mga pictures na siya ang kumuha.
Nagpapatay malisya lang ako dahil ayaw kong magmukhang guilty sa kung ano man ang iniisip niya.
Kahit si Yumi ay alam kong napapansin ang ginagawang paninitig ni Rita sa akin kaya kanina pa siya bulong nang bulong tungkol doon pero pinili kong ‘wag magkomento.
At ano naman kung ipahiram ni Kit sa akin ang phone niya? Wala naman silang relasyon kaya bakit naman ako magpapaapekto sa kung anong iisipin niya?!
Umismid ako at ipinagpatuloy ang pag-scan ng mga pictures sa gallery ng phone ni Kit. Muntik pa akong mapatili nang may makitang mga videos doon na hindi naman dapat na nasa gallery
