[Athena’s]
Kanina pa ako napapakunot noo dahil sa mga ginagawa ni Justin habang kinukuhanan ko ng sample shots si Yumi sa set up na inayos namin. Kulang na lang ay lapitan ko na siya at batukan dahil sa panggugulo sa trabaho ko!
Hindi gaanong nasisikatan ng araw ang pwesto kung saan napili naming gawin ang photoshoot. Pero dahil medyo humahangin ay nililipad ang cover up na suot ni Yumi kaya itong si Justin ay palaging lumalapit at inaayos iyon!
“Wait, Athena!” narinig ko na naman na pigil ni Justin sa gagawin kong pagkuha ng litrato kay Yumi. Kahit si Yumi ay mukhang naiinis na sa pagiging pakialamero niya kaya nakikita kong nagsasalubong ang mga kilay at mukhang napipikon na rin kay Justin! Naglakad si Justin sa gawi niya at saka may kung anong inayos sa gawing dibdib niya kaya binaba
