[Athena's]
Tahimik ako sa biyahe pauwi sa mansyon nina Kit. Medyo inabutan na kami ng dilim sa daan dahil kinausap pa si Kit ng club manager ng golf course nila.
Pansin na pansin ko rin ang katahimikan nina Yumi at Justin. Pero nang tumingin ako sa likod ay nakita ko na magkahawak kamay silang dalawa kaya umikot ang mga mata ko.
Kanina lang ay nagseselosan at nagtatampuhan! Ngayon naman ay sweet na sweet na sa isa't-isa!
Umayos ako ng upo sa harapan ng sasakyan at saka nakita kong napatingin si Kit sa akin. Mabilis na iniwas ko ang tingin sa kanya at binaling ang buong pansin sa labas ng bintana.
Hindi pa rin mawala sa isip ko ang ginawa niyang paghalik sa akin kanina. Hindi ako makapaniwala na kayang-kaya niya akong halikan sa public kahit na malinaw naman ang usapan namin na ayaw ko
