[Athena’s]
“Today is a very important day for me…”
Iyon ang mga salitang binitawan ni Kit nang magpaalam siya sa akin na pupunta sa Cebu. Hindi niya binanggit ang eksaktong dahilan kung bakit pero ang sabi niya ay babalik siya bago ang flight namin pabalik sa Manila. Mamayang alas sais ng gabi pa ang flight namin kaya marami pang oras para pag-isipan ko ang mga sasabihin ko sa kanya mamaya.
Sa tagal ng ginawa kong pag-iisip kung kailan ko ipagtatapat sa kanya ang kasinungalingan na sinabi ko tungkol sa fertility issues ay ngayon lang ako nakapag desisyon kung kailan paalis na kami.
Mas mabuti na rin siguro na kung kailan paalis na kami tsaka ko ipagtapat sa kanya ang totoo. Para kung sakaling magalit man siya sa akin hindi ko na iyon mararamdaman dahil wala na kami dito. At hindi rin n
