"Parang hindi yata kita nakita ng tatlong araw? Hindi ka ba lumabas ng kuwarto mo?" tanong ni Ivan kay Faith nang makita siya nitong nagpapahangin sa hardin ng simbahang iyon.
Tumango si Faith at saka ngumiti. "Oo hindi ako lumabas dahil nagkasakit ako. Mabuti na lang nandiyan si father Vaughn para asikasuhin ako. Sobrang sakit ng ulo ko at nilalagnat. Ngayon, medyo okay na ako kaya naisipan ko munang magpahangin. Para makalanghap ako ng sariwang hangin. Pero medyo nilalagnat pa ako," pagsisinungaling niya sabay ngiti.
"Sabagay, uso nga ngayon ang sakit. Noong isang araw, may misa dito, ang daming umuubo. Panay ang ubo nila mapabata man o matanda...." sabi naman ni Ivan.
"Kaya nga hindi ako lumabas ng kuwarto ko kasi ayokong makahawa. Ayokong maipasa ko pa sa inyo ang sakit ko. Isipin m
