"Mierda!"
Galit na galit si Bernard nang hindi nila naabutang buhay si Jigsaw sa safe house na pinagtaguan nila rito. Kagabi lang ay tumawag ang broker na kailangan daw nilang magkita dahil nag-iba ng lokasyon si Lady Bat. Wala na raw ito sa hide out na dapat ay sasalakayin nila sa susunod na araw.
Pero nang dumating sila sa safehouse ni Jigsaw ay patay na ito. Base sa nakikita nila sa paligid, mukhang pinasok ito ng mga kalaban at pinatay, ilang oras pa lang ang nakalilipas.
"Boss, ano ang gagawin natin?" untag sa kaniya ni A. "Siguradong magagalit nito si Lord Raccoon."
"Sigurado ako na mga tauhan ni Lady Bat ang dumale kay Jigsaw," nakakuyom ang mga kamay na sagot ni Bernard. ""At iisa na lang ang bala natin ngayon laban sa kaniya, ang kaniyang anak. Oras na mahawakan natin ito
