"Kahit anong mangyari, labs, huwag na huwag kayong lumabas ng mansiyon, ha. Mas safe kayo rito," paulit-ulit na bilin ni Bernard kay Clara. Paalis daw kasi ang mga ito at may importanteng pupuntahan. "Napapalibutan naman ng home security system ang buong paligid. May tutunog na alarm kapag may sunog o may magtangkang pumasok. Kapag gan'on, pindutin mo 'yon." Itinuro sa kaniya ni Bernard ang parang buzzer. "Alarm 'yon sa security guard house ng village na ito. Pakawalan mo rin 'agad ang mga aso. Unahan mo lang sa pagtawag ng pangalan nila para hindi kayo habulin o sakmalin. At saka, kahit papaano, alam naman na nila ang amoy n'yo ni Aarah. Lalo ka na. 'Tapos pasok 'agad kayo sa loob."
Itinuro din sa kaniya ni Bernard ang ibang mga kagamitan nito na puwede nilang magamit na pang-self defens
