Isang malayong lugar sa siyudad ng Mexico ang lugar na nakasulat sa likod ng picture, pero kaagad nila iyong narating ni Bernard dahil sa sobrang bilis ng takbo nila.
"Sigurado ba tayo na papasukin natin ang hide out ni Lady Bat, Boss?" kuha ni A sa atensiyon ni Bernard nang malapit na sila. "Hindi pa sumasagot si Lord Raccoon. Paniguradong tagilid ang laban natin mamaya."
Kanina pa nila tinatawagan si Lord Raccoon pero hindi ito sumasagot. Kahit ang kanang kamay nito ay hindi rin nila makontak.
"Wala akong pakialam kung tagilid man o hindi ang laban," tiim-bagang na sagot ni Bernard. Hanggang ngayon ang lakas pa rin ng kabog ng puso niya. "Kailangan kong mailigtas si Clara," nilingon niya nang bahagya si A. "Ikaw ba? Hindi mo gustong mailigtas si Aarah?"
Sandaling tumahimik si A. "Gus
